’’ان کی سیاست قطری سے شروع، پتھری پر ختم ہوتی ہے‘‘ 8 فروری 2019

وزیرریلوے شیخ رشید نے شریف برادران پر تنقید کرتے ہوئے کہا ہے کہ یہ قطری سے شروع ہوتے ہیں اور پتھری پر ان کی سیاست ختم ہو جاتی ہے ۔

اسلام آباد میں میڈیا سے گفتگو کرتے ہوئے شیخ رشید نے مزید کہا کہ پی اے سی میں شہبازشریف کسی قیمت پر پسند نہیں ہیں،یہ بارگین کررہے ہیں، جو نہیں ہو گی۔

انہوں نے کہا کہ اسپیکر قومی اسمبلی کو مجھے پبلک اکاؤنٹس کمیٹی میں شامل ہونے سے روکنے کا کوئی صوابدیدی اختیار حاصل نہیں ہے۔

وفاقی وزیر ریلوے شیخ رشید احمد نے یہ بھی کہا کہ میں صرف اور صرف عمران خان کی وجہ سے چپ ہوں،مجھے غریب عوام کی فکر ہے، ریلوے پولیس کی تنخواہیں پنجاب پولیس کے برابر کرنا چاہتا ہوں۔

Source-https://jang.com.pk/news/606903-sheikh-rashid-criticises-to-sharif-brothers