ڈائریکٹر جنرل آئی ایس پی آر میجر جنرل آصف غفور نے کہا ہے کہ پاک فوج کنٹرول لائن پر بھارت کے کسی بھی مس ایڈونچر کابھرپور جواب دینے کےلئے تیار ہے۔
ایک بیان میں ترجمان پاک فوج نے کہا کہ پاکستانی افواج کے ہمہ وقت تیار رہنے کی وجہ کوئی جھوٹا بھارتی دعوی یا بیان بازی نہیں۔
انہوں نے مزید کہا کہ بھارت سے خطرہ مستقل ہے،بطور پروفیشنل آرمی اس کے لئے ہمیشہ تیار رہتے ہیں۔
میجر جنرل آصف غفور نے یہ بھی کہا کہ بھارتی میڈیا پر نظر آنے والےجنگی جنون کا سبب اندرونی سیاسی صورتحال ہے۔
ان کا کہنا تھا کہ دونوں ملکوں کے ڈی جی ایم اوز کا ہفتہ وار ہاٹ لائن رابطہ اور فلیگ میٹنگز معمول کے مطابق ہورہی ہیں۔
گزشتہ دونوں بھارت کے 2 جاسوس ڈرون لائن آف کنٹرول پر پاک فوج نے مار گرائے تھے۔
Source-
0 comments: