شاہی خاندان کے سینئر رکن اور شاہ سلمان بن عبدالعزیز کے بھائی شہزادہ طلال طویل علالت کے بعد انتقال کرگئے۔ اتوار 23 دسمبر 2018

سعودی شاہی خاندان کے سینئر رکن اور شاہ سلمان بن عبدالعزیز کے بھائی شہزادہ طلال طویل علالت کے بعد انتقال کرگئے۔ عرب میڈیا کے مطابق شاہ طلال کی عمر 87 برس تھی اور وہ کافی عرصے سے بیمار تھے، مرحوم سعودی عرب کے بانی شاہ عبدالعزیز (مرحوم) کے فرزند تھے جب کہ ارب پتی شہزادے ولید بن طلال کے والد تھے۔

یہ بھی پڑھیں: حکومت سے ڈیل نہیں ’سمجھوتہ‘ ہوا ہے، شہزادہ ولید بن طلال

شہزادہ طلال 1960ء میں بیرون ملک چلے گئے تھے اور کافی عرصے بعد وطن لوٹے تھے، وہ سعودی شاہی خاندان میں اصلاحات کے خواہش مند تھے جب کہ ان کا شمار اعلیٰ تعلیم یافتہ شاہی رکن میں ہوتا تھا۔

شہزادہ ولید نے والد کی وفات کی تصدیق کرتے ہوئے کہا ہے کہ سوگوار خاندان سے اظہار تعزیت کے لیے اتوار سے منگل

  کے دوران بعد نماز مغرب سے عشا تک کا وقت مختص کیا گیا ہے۔

Source.https://www.express.pk/story/1473640/10/